Бош прокуратура ҳузуридаги Департаментнинг Чиноз туман бўлими томонидан ИИБ ходимлари билан ҳамкорликда ўтказилган тезкор тадбирда ЯТТ К.М. “Янги маҳалла” МФЙдаги  савдо дўконида хорижий давлатларда ишлаб чиқарилган 50 қути акциз маркасиз тамаки маҳсулотини фуқаро А.А.га 800 минг сўмга сотган вақтида ушланиб, ушбу савдо дўконидан 14 хил турдаги жами 3 453 қути тамаки маҳсулотлари ашёвий далил сифатида олинган.

Шу каби, Департаментнинг Ургут туман бўлими томонидан ўтказилган терговга қадар текширувда “J.S.” хусусий корхонасига қарашли савдо дўконида 2 514 дона қалбаки акциз маркали алкоголь ҳамда ҳеч қандай ҳужжатсиз 454 қути тамаки маҳсулотлари сотувга қўйилганлиги аниқланиб, ушбу маҳсулотлар ашёвий далил сифатида олинган.

Мазкур ҳолатлар юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) ва 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят ишлари қўзғатилиб, тергов ҳаракатлари ўтказилмоқда.