Президент Шавкат Мирзиёев Жиззах вилояти Зарбдор туманидаги Лалмикор маҳалласида бўлди

15:34 09 Апрель 2024 Сиёсат
431 0

Бу ерда 3 минг 700 нафардан ортиқ аҳоли яшайди. Маҳалла обод қилинган, йўл четлари ва бўш майдонларга «Яшил макон» дастури доирасида кўчатлар экилган.

Маҳалла деҳқончилик ва чорвачиликка ихтисослашган. 668 та хонадоннинг барчасида томорқа бор. Шунингдек, аҳолига деҳқончилик қилиш учун 126 гектар ер ажратилган.

Ўзбекистон Республикаси Президентининг шу йил 5 мартдаги қарорига асосан, томорқа ва деҳқон хўжаликларида янги захираларни ишга солиш, бозорбоп маҳсулотлар етиштириш чоралари кўрилмоқда.

Давлатимиз раҳбарига шу борадаги ишларни кўздан кечирди.

Жумладан, маҳаллада резавор мевалар етиштириш бўйича ўқув майдони ташкил этилган. Бу ерда маймунжон, хўжағат, голубика кўчатлари ўстирилиб, томорқаларда экилади. Ҳосилга киргач, экспортчилар томонидан сотиб олинади.

Президентимиз томорқа эгаларига бу меваларни сифатли етиштириш илмини ўргатиш муҳимлигини таъкидлади. Бу лойиҳани кенгайтириш, аҳолининг харид қобилиятини ошириш учун томорқа эгалари билан банклар ўртасида ҳамкорликни самарали йўлга қўйиш масалалари бўйича фикр алмашилди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?