Пойтахтдаги савдо марказларидан минглаб одамлар эвакуация қилинди

16:29 28 Ноябрь 2018 Дунё
1914 0

Иллюстратив фото

Россия пойтахти Москва шаҳридаги ўндан зиёд савдо марказидаги минглаб одамлар портлаш хавфи ҳақидаги хабардан сўнг эвакуация қилинган.

ТАСС хабарига кўра, тезкор хизматлардан 10дан ортиқ савдо марказларидаги портлаш хавфи ҳақида хабар келиб тушган. Шу боис бинолардан бир неча минг киши кўчирилган.

“Миналаштирилган” савдо марказлари ичида “Цветной”, “Атриум”, “Мегаполис”, “Капитолий”, “Горбушкин двор” кабилар бор.

Айни пайтда савдо марказларида полициячилар ва кинологлар иш олиб боришяпти. Улар ҳудудни текширишмоқда.

Россияда худди шундай ёлғон хабарлар тўлқини охирги марта 2017 йил декабрь ойида кузатилган эди. Ўшанда телефончи террорчилар “ҳужуми” туфайли қарийб 4 мингта объектдан 2,6 млн. киши эвакуация қилинган эди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?