Пайғамбарнинг қиличи, Султон тахти, 86 каратли олмос — Истанбулдаги Топкапи сарой музейи яна нималари билан машҳур?

12:07 07 Февраль 2024 Дунё
172 0

Архив сурат

Усмонли султонларининг қароргоҳи бўлган Топкапи саройи бугунги кунда музей сифатида фаолият кўрсатмоқда. Қадрли маданий хазинага эга ушбу саройнинг тарихи 1460 йилга, музейнинг тарихи эса 1924 йилнинг 3 апрелига бориб тақалади.

Истанбулнинг Фотиҳ шаҳрида жойлашган Топкапи сарой музейи Усмонлилар империясининг 600 йиллик тарихида 400 йил давомида давлатнинг маъмурий маркази ва Усмонли султонларининг расмий қароргоҳи бўлган. Бир пайтлар 4000 га яқин аҳолини қабул қилган саройга ҳар йили юз минглаб одамлар ташриф буюришади.

Топкапи сарой музейи тарихи 1460 йилга бориб тақалади. Султон Маҳмуд Фотиҳ томонидан Истанбул фатҳ қилинганидан кейин қурилган ушбу сарой 1478 йилда қуриб битказилган. Туркия Республикаси ташкил этилгандан кейин Мустафо Камол Отатуркнинг илтимосига биноан 1924 йил 3 апрелда музейга айлантирилган Топкапи саройи республиканинг биринчи музейидир.

Топкапи саройи музейида нималар сақланмоқда?
Муқаддас ёдгорликлар
— Топкапи саройи музейи асарлари ичида энг муҳими, шубҳасиз, муқаддас ёдгорликлардир. Муҳаммад с.а.в ва бошқа ислом пайғамбарларига тегишли деб ҳисобланган бу асарлар орасида Муҳаммад с.а.в.нинг қиличи, соқоли ва оёқ изи ҳам бор.

Топкапи ханжари — Зумрад ва олмос билан безатилган, дастаси учида яширин соати бўлган ушбу ханжар Усмонлилар даври ҳунармандчилигининг маҳоратини акс эттиради ва дунёдаги энг қимматли ханжарларидан бири ҳисобланади.

Кашикчи олмоси — 86 каратли Кашикчи олмоси дунёдаги энг катта олмослардан биридир. Топкапи саройи музейи орасида ажралиб турадиган олмос XVII асрда Ҳиндистонда олиб келингани тахмин қилинади.

Султон Маҳмуд Фотиҳ тахти — маълумки, Султон Маҳмуд Фотиҳ тахти Усмонлилар империясининг энг улуғвор тахтларидан биридир. Олтин, кумуш ва қимматбаҳо тошлар билан безатилган тахт Топкапи саройи музейи асарлари орасида энг диққатга сазовор ёдгорликдан биридир.

Император хазинаси — Заргарлик буюмлари, қуроллар, чинни буюмлар ва бошқа кўплаб қимматбаҳо буюмлар Топкапи саройи музейининг Ғазначилик бўлимида намойиш этилади.

Сарой музейнинг архитектура хусусиятлари
Топкапи саройи музейи архитектураси билан ҳам диққатни тортади. Усмонли империясининг бой тарихи ва маданиятини акс эттирувчи музейда Византия ва Салжуқий меъморчилиги ҳамда классик Усмонли меъморчилиги излари мавжуд. Тахминан 700 000 квадрат метр майдонни эгаллаган Топкапи саройи музейи қурилишида тош, ғишт, ёғоч ва мармар каби материаллар ишлатилган. Сарой безакларида кошин, мармар, ёғоч ўймакорлиги, қалам иши каби элементлар алоҳида ажралиб туради.

Топкапи сарой музейи қаерда жойлашган?
Топкапи сарой музейи Истанбулнинг Фотиҳ шаҳридаги Султонаҳмад туманида жойлашган. Туманнинг Баб-и Ҳумаюн кўчасида жойлашган.

Эслатиб ўтамиз, Топкапи саройи музейига ташриф буюришнинг энг яхши йўли жамоат транспорти ҳисобланади. Саройи музейга сешанба кунларидан ташқари ҳар куни маҳаллий вақт билан соат 09.00 дан 17.00 гача ташриф буюриш мумкин.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?