Ўзбекистонлик талабалар Қозоғистон олий таълим муассасаларида грант асосида қабул қилинади

17:11 18 Май 2018 Жамият
27687 1
Фото: yk-news.kz

Самарқанд шаҳрида Қозоғистон таълими кунлари бошланди. Шу муносабат билан Самарқанд давлат университетида бўлиб ўтган тадбирда Қозоғистон Республикасидаги 15 та олий таьлим даргоҳидан вакиллар қатнашди. 

—    Икки мамлакат ўртасида азалий муносабатлар янги босқичга кўтарилгани ҳар соҳада ҳамкорлик қилишда муҳим омил бўлмоқда, — дейди Бутунжаҳон Қозоқлар ассоциациянинг  Ўзбекистондаги вакили Клара Садирбоева. — Қозоғистонда 2018 йилнинг “Ўзбекистон йили” деб номланиши ҳам ана шундай самимий муносабатларнинг ёрқин мевасидир. 

Эндиликда икки давлат ўртасида барча соҳалар қатори таьлим йўналишида ҳам ҳамкорлик йўлга қўйилаяпти. Ўзбекистондан Қозоғистонга бориб, олий даргоҳларда таьлим оладиганлар учун яхшигина имтиёзлар мавжуд. Масалан, Ўзбекистонда яшовчи, шу юртнинг фуқароси бўлган қозоқ миллатига мансуб йигит-қизлар Қозоғистонда 100 фоиз грант асосида ўқийдилар. Бошқа миллат вакиллари эса 50 фоиз имтиёзга эга. Умуман, ушбу йилда қўшни мамлакатдаги олий таълим даргоҳларида ўзбекистонлик 10 минг нафар ўқишни хоҳловчилар ана шундай имкониятлардан фойдаланишлари мумкин.

Мамадиёр ЗИЁДИНОВ,
“Халқ сўзи ” мухбири.

 

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер