Ўзбекистонлик дзюдочилар жамоавий дастурда МДҲ ўйинларининг чемпионига айланишди

22:35 10 Сентябр 2021 Спорт
1093 0

Қозон шаҳрида бўлиб ўтаётган илк МДҲ ўйинларининг навбатдаги куни ортда қолди. Аҳамиятлиси, бу кун биз учун дзюдочиларимизнинг ажойиб ғалабаси билан ёдимизда қолди. Регламентга кўра, ушбу кун дастурида дзюдочиларимиз жамоавий йўналишда ғолиблик учун баҳс олиб боришди.

Вакилларимиз мусобақани тўғридан тўғри ярим финалдан бошлашди. Ушбу босқичдаёқ уларга жиддий рақиб – мезбон полвонлари тўқнаш келди. Қувонарлиси, бу жуфтликда ҳамюртларимиз 5:2 ҳисобида устун келиб, финал йўлланмасини қўлга киритдилар. Олтин медаль учун кечган баҳсда эса Озарбайжон термаси 5:3 ҳисобида таслим этилди. Бу ҳақда МОҚ хабар берди.

Шу тариқа, дзюдочиларимиз жамоавий йўналишдаги ғалабалари билан делегациямизга 22-олтинни тақдим қилишди. Шунингдек, ҳисобимизда 29 та кумуш ва 30 та бронза медаллари ҳам мавжуд.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?