Ўзбекистонда замонавий ҳинд тиббиёт муассасаси ўз фаолиятини бошлади

14:42 24 Ноябрь 2022 Жамият
288 0

Фото: Ташқи ишлар вазирлигининг «Дунё» ахборот агентлиги

Тадбирда Ўзбекистон Соғлиқни сақлаш вазирининг биринчи ўринбосари Амрилло Иноятов, “Aakash Healthcare” клиникаси бошқарувчи директори Ашиш Чодри ва бошқа мутасаддиларнинг нутқлари тингланди. Шунингдек, маросимда Ҳиндистон Ташқи ишлар ва маданият давлат вазири Минакши Лекхи ҳамда мамлакатимизнинг Ҳиндистондаги элчиси Дилшод Ахатов йўллаган видеотабриклар намойиш этилди.

Пойтахтимизнинг Учтепа туманида ишга туширилган мазкур тиббиёт муассасаси 50 ўринга эга бўлиб, унда илғор амалиётни ўзида жамлаган ортопедия, педиатрия, эндокринология, неврология, физиотерапия, кардиология, гинекология, урология, умумий жарроҳлик, нейрохирургия, стоматология ва бошқа қатор бўлинмалар фаолият юритади.

Янги очилган клиника мамлакатимиз ва минтақа аҳолисига юқори малакали тиббий хизмат кўрсатиш билан бирга республикамиздаги шифокор ва тиббиёт ходимларининг малакасини ошириш, Ҳиндистоннинг соғлиқни сақлаш соҳасида эришган муваффақиятларини татбиқ этишни мақсад қилган.

Шуни ҳам қайд этиш жоизки, мазкур лойиҳа мамлакатимизнинг Ҳиндистондаги элчихонаси билан ҳамкорликда Соғлиқни сақлаш ҳамда Инвестициялар ва ташқи савдо вазирликлари ва “Aakash Healthcare” компанияси раҳбарияти билан сўнгги икки йил давомида олиб борилган музокараларнинг амалий натижаси бўлди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер