22 мартида Ўзбекистондаги биринчи болалар таълим ва кўнгилочар телеканали AQLVOY'нинг трансляцияси бошланди. Бу ҳақда Мактабгача таълим вазирлигида бўлиб ўтган матбуот анжуманида айтиб ўтилди.

Қайд этилишича, Ўзбекистонда 10 ёшгача бўлган 7,5 миллиондан ортиқ бола яшайди, сўнгги йилларда болалар аудиторияси доимий равишда ўсиб бормоқда. Шу сабабдан ўзбек тилидаги юқори сифатли тарбиявий ва кўнгилочар болалар телевизион контенти замон талабига айланмоқда.

«Канал Россия, АҚШ, Жанубий Корея, Хитой каби ўнлаб мамлакатларда таниқли жаҳон студиялари томонидан яратилган энг яхши анимацион сериаллар ва дастурларни намойиш этиб боради.

Энг муҳими, барча таркиб лицензияланган ва фақат расмий равишда сотиб олинади. Айни пайтда Sony, Disney, Universal каби йирик кинокомпаниялар билан анимация тўпламини харид қилиш бўйича музокаралар олиб борилмоқда», деди телеканалнинг бош ижрочи директори Вела Фидел.

AQLVOY телеканалининг асосий аудиторияси 3 ёшдан 9 ёшгача бўлган болалар, «Альфа» авлоди, рақамли олам даҳолари. Телеканали эрталаб соат 7 дан кечки 22 гача эфирга узатилади. Келажакда онлайн трансляция ҳам режалаштирилган.

Канал тармоғида ўзимиз ишлаб чиқарган, Мактабгача таълим вазирлигининг сўнгги методик ишланмаларини ҳисобга олган ҳолда амалга оширилган дастурлар ҳам мавжуд, масалан:

«Биласанми» - болаларга табиат ҳодисалари, ҳайвонот дунёси, ўсимликлар, фасллар, Ер, динозаврлар ва бошқа кўплаб нарсалар қандай пайдо бўлганлиги ҳақида ҳикоя қилувчи ҳаяжонли ва когнитив дастур.

 «Қувноқвой» телекўрсатуви орқали болалар завқ ва катта иштиёқда жисмоний машқлар билан шуғулланадилар. Дастур эрта болаликдан тўғри одатларни шакллантиришга ёрдам беради - жисмоний тарбия ва тўғри овқатланиш га ўргатади.

 «Билимдон» бу мусиқий дастур бўлиб, у болаларни қўшиқлар орқали: инглиз тили, камалак ранглари, атрофдаги оламнинг қизиқарли ҳодисаларини ўргатади.

 «Эли ва Боб» дастурининг асосий мақсад - бу болалар таълим- тарбиясидир ва таълимидир. Масалан, нима учун нонушта фойдали, зиёфатда ва кўчада ўзини қандай тутиш кераклиги, қандай касблар ва нима учун улар муҳим эканлиги ва ҳ.к.