Ўзбекистонда сўнгги кунларда коронавирус билан касалланганлар сонининг ортиш сабаби маълум қилинди

19:34 23 Ноябрь 2022 Жамият
353 0

Фото: Халқ сўзи

Ўзбекистонда грипп ва ўткир респиратор инфекциялар коронавирус билан микс-инфекция касаллиги сифатида, айнан эмланмаган ва сурункали касалликлари бор фуқароларда аниқланмоқда. Бу ҳақда АОКАда ўтказилган брифингда Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат Отабеков маълум қилди.

Сўнгги 7 кунликда стационарга ётқизилган беморлар сони — 482 нафарни, даволаниб чиққанлар сони — 358 нафарни, карантинга олинганлар — 2 310 нафарни ва карантиндан чиқарилганлар — 1 306 нафарни ташкил этди.

Ҳозирда COVID-19 ни даволашга ихтисослашган шифохоналарда — 539 нафар беморлар қолмоқда, уй шароитида даволанаётганлар эса — 187 нафарни ташкил этмоқда.

Сўнгги 14 кунликда рўйхатга олинган касалликларнинг ёшма-ёш таҳлили: 

0-14 ёшгача бўлганлар — 12,5 %ни, 

15-19 ёшдагилар — 2,1 %ни, 

20-29 ёшдагилар — 37,5%ни, 

30-39 ёшдагилар — 15,6 %ни, 

40-49 ёшдагилар — 11,5 %ни, 

50-59 ёшдагилар — 9,3 %ни, 

60 ёш ва катталар— 11,5 %ни ташкил этди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер