Ўзбекистонда бўлиб ўтган шахмат турнирида 5 нафар иштирокчи халқаро талабларни бажарди

11:03 23 Август 2021 Спорт
498 0

Кеча якунига етган шахмат бўйича ўзбекистонлик биринчи гроссмейстер Георгий Агзамов хотирасига бағишланган анъанавий халқаро турнирда 5 нафар иштирокчи ФИДEнинг турли талабларини бажарди. Қувонарлиси, уларнинг тўрт нафарини ўзбекистонлик шахматчилар ташкил этишди.

Жумладан, Нилуфар Ёқуббоева аёллар ўртасида гроссмейстерлик талабини бажаришга муваффақ бўлди. Шу билан бирга у эркаклар ўртасида халқаро мастер талабини ҳам бажарди.

Али Қосимов, Муҳиддин Мадаминов ҳамда Бобур Сатторовлар эса халқаро мастер талабини бажарган шахматчиларимизга айланишди.

Шунингдек, халқаро турнирда фахрли 3-ўринни қўлга киритган тожикистонлик Муҳаммад Хусенходжаев халқаро гроссмейстер талабини бажарди.

Бугун Халқаро шахмат академиясида ушбу шахмат усталарига махсус сертификатлар топширилди.

Ушбу мусобақа ғолибларини тақдирлаш маросимида Ўзбекистон Республикаси Бош вазири ўринбосари — туризм ва спорт вазири, Ўзбекистон шахмат федерацияси раиси Азиз Абдухакимов ҳам иштирок этди

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?