Ўзбекистон ва Миср: парламент дипломатияси имкониятларидан янада кенгроқ фойдаланилади

17:12 15 Май 2024 Сиёсат
63 0

Ўзбекистон Республикаси Олий Мажлиси Сенати Раиси Танзила Норбоева Самарқанд шаҳрида ўтказилган Осиё хотин-қизлари форумида иштирок этиш учун юртимизда меҳмон бўлган Миср Араб Республикаси Парламенти Сенати Раиси ўринбосари Фиби Фавзи Гиргис билан учрашди.

Мулоқот чоғида Ўзбекистон ва Миср ҳамкорлигининг кенг доираси, жумладан, савдо-иқтисодий, маданий гуманитар ҳамда парламентлараро алоқаларни янада мустаҳкамлаш масалалари кўриб чиқилди.

Суҳбат жараёнида томонлар форумда кўтарилган масалалар, хусусан, хотин-қизларнинг иқтисодий имкониятларини, инновацион фаолиятдаги иштирокини кенгайтириш бўйича тажриба алмашиш лозимлигини қайд этдилар.

Айниқса, бунда қишлоқ жойлардаги аёлларни қўллаб-қувватлаш муҳимлигига урғу берилди.

Шунингдек, соғлиқни сақлаш, илм-фан, таълим каби соҳаларда қўшма лойиҳаларни амалга оширишда парламентлар имкониятларидан фойдаланишга келишиб олинди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?