Фото: Қўл жанги федерацияси

Қозоғистоннинг Остона шаҳрида эркаклар ва аёллар ўртасида қўл жанги бўйича 2023 йилги жаҳон чемпионати бошланди. Мусобақада 32 давлатдан 300 дан ортиқ спортчи иштирок этмоқда.

Чемпионатнинг биринчи кун жанглари ўз ниҳоясига етди. Унда ўзини ҳимоя қилиш йўналишида эркаклар 10 та,  аёллар 5 та вазн тоифасида баҳсларга киришишди. Ўзбекистон терма жамоасидан 14 нафар спортчи юртимиз шарафини ҳимоя қилди. Улардан 11 нафари эркаклар бўлса, 3 нафари аёллардир. Терма жамоамиз биринчи кун баҳсларида 3та олтин, 2та кумуш ва 7та бронза медалларини қўлга киритишди.

Биринчи бўлиб терма жамоамиз ҳисобига олтин медални 85 кг вазн тоифасида Баҳром Абдуллаев тақдим этди. Навбатдаги юқори пробали медаллар 90 кг оғирликда Жасур Ҳасанов  ва 50 кг ванзда қатнашган Севинч Раимова томонидан қўлга киритилди. 95 кг Назир Мўминов, 70 кг Нилуфар Полвонова кумуш медалга лойиқ деб топилдилар. Бронза медалларига 75 кг  оғирликда Асқар Бобоев, 70кг вазнда Амир Аҳмедов, 95+ кг спортчилар ўртасида Жавоҳир Маманбиев, 75 кг оғирликда Шуҳрат Жўраев ва Холмўмин Раббимов сазовор бўлдилар. 

Умумий вазн тоифасида жуфтлик баҳсларида қатнашган Жасур Ҳасанов ва Амир Аҳмедовга ҳам бронза медаллари насиб этди.