Ўзбекистон таэквондоси тарихида янги саҳифа: терма жамоамиз Токиога тўлиқ таркибда боради!

Хабар берганимиздек, Иордания пойтахти Амман шаҳрида Осиё қитъаси таэквондочилари учун Токио-2020 учун лицензион турнир ўтказилди.

Мусобақанинг кечаги дастурида қизлар ўртасида +67 кг вазн тоифасида ўзбекистонлик Светлана Осипова ҳам иштирок этди. Ҳамюртимиз Олимпия ўйинлари йўлланмаси учун кечган жангда филиппинлик Кёрсти Алорага қарши даянга чиқди ва рақибини йирик – 27:5 ҳисобида мағлубиятга учратиб, Токио-2020 Олимпиадасига йўлланмани қўлга киритди.

Шу тариқа, Токиодаги Олимпия ўйинларида Ўзбекистондан бирйўла 4 нафар таэквондочи иштирок этадиган бўлди. Бу мустақил Ўзбекистон таэквондоси тарихида янги рекорддир. Бунгача ҳеч қачон бирйўла 4 нафар ўзбекистонлик таэквондочи Олимпиадада иштирок этишмаган. Бундан олдин ўтказилган Олимпия ўйинларида кўпи билан 3 нафардан таэквондочи қатнашган ва ҳозирча медаль ҳам қўлга киритилмаган.

Қуйида ўзбекистонлик таэквондочилар қандай таркибда Олимпия ўйинларида иштирок этишганлигини ёдга оламиз:

Афина-2004

Ирина Кайдашова,

Наталия Микрюкова,

Пекин-2008

Евгения Каримова,

Дмитрий Ким,

Акмал Эргашев,

Лондон-2012

Дмитрий Ким,

Акмал Эргашев,

Наталия Маматова,

Рио-де-Жанейро-2016

Никита Рафалович,

Нигора Турсунқулова,

Дмитрий Шокин,

Токио-2020

Никита Рафалович,

Нигора Турсунқулова,

Светлана Осипова,

Улуғбек Рашитов.

Токиодаги Олимпиада ўйинларида ниҳоят таэквондочиларимиз ҳам медаль қўлга киритиб, Янги Ўзбекистонга янги ғалабаларни тортиқ этишига умид қилиб қоламиз!