Ўзбекистон минтақаларидаги халқаро мақомга эга аэропортларга ном беришга доир танлов эълон қилинади

10:40 20 Август 2020 Жамият
320 0

Ўзбекистон Республикаси Туризмни ривожлантириш давлат қўмитаси, Транспорт вазирлиги ва «Ўзбекистон аэропортлари» акциядорлик жамияти минтақаларда халқаро мақомга эга аэропортларимизга ном беришга доир танлов эълон қилади. Бу ҳақда қўмита матбуот хизмати хабар берди.

Қайд этилишича, танловнинг мақсади Ўзбекистон минтақавий халқаро аэропортларига энг яхши ном топиш жараёнига кенг жамоатчиликни жалб қилишга қаратилган.

Тошкентдаги Ислом Каримов ҳамда Андижон шаҳридаги Заҳириддин Муҳаммад Бобур номли халқаро аэропортлар бундан мустасно.

Мазкур танловда иштирокчининг фуқаролигидан қатъий назар, 16 ёшдан ошганлар, жумладан, талабалар, ижодкорлар, олимлар, тарихчилар ва туризмни ривожлантириш истагида бўлган барча киши иштирок эта олади.

Танловда иштирок этиш шартлари билан қуйидаги сайтлар орқали танишиш мумкин: https://uzbektourism.uz, https://mintrans.uz, https://uzbairports.uz

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер