Олий таълим фан ва инновациялар вазирлиги томонидан 27 март куни Ўзбекистон-Корея олий таълим муассасалари ректорлари форуми ўтказилади. Тошкент давлат иқтисодиёт университетида бўлиб ўтадиган халқаро форумда 100 дан ортиқ олий таълим муассасалари раҳбарлари, вазирлик ва идоралар масъуллари иштирок этади.

Анжуманда икки мамлакат олийгоҳлари ўртасида таълим ва фанни янада интеграциялаштириш, салоҳиятли кадрлар тайёрлаш, малака ошириш ва илмий фаолиятдаги ҳамкорликни ривожлантириш масалалари муҳокама қилинади.

Форум якунида қатор ҳамкорлик шартномалари имзоланиши кутилмоқда. Битимлар асосан икки мамлакат олий ўқув юртлари ўртасида тўғридан тўғри ҳамкорликни йўлга қўйишга қаратилади.

Шунингдек, форум доирасида меҳмонлар пойтахтимиздаги бир қатор олий ўқув юртлари, технопарклар билан танишишлари ҳамда Самарқанд шаҳрига ҳам ташриф буюриши режалаштирилган.