Ўсмир боксчиларимиз Осиё чемпионатида биринчи бўлишди

12:25 30 Август 2021 Спорт
646 0

Дубай шаҳрида бокс бўйича ўсмирлар ва ёшлар ўртасидаги Осиё чемпионати ўз якунига етиб бормоқда.

29 август куни мусобақа доирасида ўсмирлар ўртасида финал баҳслари ташкил этилди. Қувонарлиси, чемпионатнинг ўсмирлар ўртасидаги жанглари якунига кўра, Ўзбекистон терма жамоаси вакиллари биринчи бўлишди. Бу ҳақда Ўзбекистон бокс федерацияси матбуот хизмати хабар берди.

Йигитларимиз мусобақада 6 та олтин, 4 та кумуш ва 1 та бронза медалига сазовор бўлишди.

Терма жамоамиз сафида қуйидаги боксчиларимиз совриндор бўлишди:

Олтин:

-50 кг: Ҳожиакбар Маҳмудов

-60 кг: Жавоҳир Умматалиев

-63 кг: Лазизбек Тўлқинов

-66 кг: Фазлиддин Эркинбоев

-70 кг: Шавкатжон Болтаев

-81 кг: Сардорбек Турсунов

Кумуш:

-52 кг: Абдуллоҳ Мадаминов

-54 кг: Мироншох Норқосимов

-57 кг: Далержон Бозоров

-75 кг: Мизроб Некбоев

Бронза:

-46 кг: Бахтиёр Яхшибоев

Иккинчи ўринни қозоғистонлик боксчилар банд этишган бўлса, кучли учликка ҳиндистонлик боксчилар якун ясашди. Яна битта олтин медални эса Эрон вакили қўлга киритди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?