Ўқ-дориларни республикамиз ҳудудига ноқонуний олиб кириш контрабанда жинояти ҳисобланади

14:15 22 Ноябрь 2022 Жамият
271 0

Маълумки, ўқ-дориларни республикамиз ҳудудига ноқонуний олиб кириш контрабанда жинояти ҳисобланиб, бунинг учун жазо муқаррарлиги белгиланган.

Бироқ, божхона чегаралари орқали ўқ-дориларни фуқаролар томонидан олиб ўтишга бўлган уринишлар, афсуски, учрамоқда.

Тошкент вилояти божхона бошқармаси “Ғишткўприк” чегара божхона постига қўшни мамлакатдан кириб келган, фуқаро бошқарувидаги “FORD FOCUS” русумли автотранспорт воситаси ўрнатилган тартибда божхона кўригидан ўтказилди.

Натижада автомашина юк хонасидан декларацияда ёзиб кўрсатилмаган ва оғзаки сўровда маълум қилинмаган 1 дона “GLETCHER GRACH NBB Cal. 4.5mm” номли пневматик қурол, 2 дона қурол учун газ баллонлари ва 1 дона идишда қурол учун ўқларни олиб келаётганлиги аниқланди.

Ҳозирда ушбу ҳолат юзасидан жиноят иши қўзғатилиб, терговга қадар текширув ҳаракатлари олиб борилмоқда. Маълумот учун, вилоят божхоначилари томонидан ўтган давр мобайнида 564 дона ўқ дориларнинг божхона чегаралари орқали ноқонуний олиб ўтилиши олди олинди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер