Иллюстратив фото

«Омикрон» штаммининг пайдо бўлиши пандемиянинг энг ўткир босқичи якунланиш арафасида эканлигини англатади. Худди шундай фикрларни Жанубий африкалик олимлар билдирмоқда, дея ёзмоқда Bloomberg.

Мутахассислар гуруҳи Преториядаги Стив Бико касалхонасида тадқиқот ўтказгандан сўнг шундай хулосага келишди. Айни шу ерда «Омикрон биринчи марта қайд этилган эди. 

Шифокорлар сўнгги тўлқинда инфекция билан зарарланган 466 нафар беморнинг ҳамда аввалги тўлқинларда тузалган 3976 нафар беморнинг маълумотларини таҳлил қилишди.

Маълум бўлишича, «Омикрон» келтириб чиқарадиган инфекциялар тўлқини «мисли кўрилмаган тезликда» ҳаракат қилган ва олдинги штаммларга қараганда енгилроқ ҳолатларга сабаб бўлган.

Бундан ташқари, тадқиқотчилар ҳозирги тўлқин даврида беморларнинг атиги 4,5 фоизи касалхонада вафот этган. Бу кўрсаткич аввалги тўлқинда 21 фоизни ташкил этган. Шунингдек, реанимация бўлимларига камроқ одам ётқизилган. Беморларнинг стационар бўлиш муддати 8,8 кундан 4 кунга қисқарган.

«Агар бу ҳолат бутун дунёда давом этса ва такрорланса, биз касалланиш ва ўлим кўрсаткичларини тўлиқ ажратишни кўришимиз мумкин», деди тадқиқотчилар.