Олимпия қишлоғида яна Ўзбекистон байроғи кўтарилди

15:29 22 Август 2021 Спорт
831 0

Яқинда Ўзбекистон спорт делегацияси XVI ёзги Паралимпия ўйинларида иштирок этиш учун кунчиқар юрт Японияга жўнаб кетишган эди.

Кеча вакилларимиз Паралимпия ўйинлари иштирокчилари учун махсус барпо қилинган Олимпия қишлоғига жойлашдилар. Шу куннинг ўзида Олимпия қишлоғида Ўзбекистон байроғи кўтарилди.

Мамлакатимиз спорт делегацияси аъзолари эса тезкор штабда кичик йиғилиш ўтказишди. Унда бўлажак мусобақада муносиб иштирок этиш ҳамда Ватанимиз мустақиллигининг 30 йиллик тўйига муносиб туҳфа ҳозирлаш, бунинг учун спортчилардан Паралимпия ўйинларида ўзларининг бор маҳоратларини ишга солишлари учун барча зарур шароитларни яратиш борасида керакли тавсиялар берилди.

Эслатиб ўтамиз, Паралимпия ўйинларининг тантанали очилиш маросими 24 август куни бўлиб ўтади. 25 августдан эса пара атлетлар мусобақалардаги иштирокини бошлашади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?