Олий ва ўрта махсус таълим вазирлиги 1-босқич талабалари учун муҳим эълонини маълум қилди

21:22 04 Сентябр 2021 Жамият
2117 0

Унда шундай дейилади:

"2021/2022-ўқув йилига талабаликка тавсия этилганлар (1-босқич талабалари) учун ОТМда 6 cентябрдан дастлабки таништирув ҳафталиги (хусусан, мустақиллик дарслари), 13 сентябрдан эътиборан ўқув режага мувофиқ дарс машғулотлари бошланади.

Маълумки, янги ўқув йилидан бошлаб барча олий таълим муассасаларининг биринчи курс талабалари учун ўқув жараёни кредит-модуль тизими орқали ташкил этилади.

Таништирув ҳафталигида талабалар кредит-модуль тизимининг мазмун-моҳияти, ўқув жараёнига татбиқ этилиш тартиби, олий таълим муассасасининг ички тартиб-қоидалари ва шу каби зарурий ахборотлар билан таништирилади.

Шу билан бирга, таништирув ҳафталигини ташкил этишда доимий яшаш манзилидан, хусусан, республиканинг бошқа ҳудудларида бўлган талабаларнинг олий таълим муассасасига етиб келиши, турар-жойларига жойлашиши учун вақт ажратилиши инобатга олинади.

Юқори курс (биринчи курсдан ташқари) талабалари учун эса дарс машғулотлари умумий тартибда 6 сентябрдан бошланади".

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?