Фото: Халқ сўзи

Фарғона вилояти ҳокимлигида Олий Мажлис Сенатининг Фан, таълим ва соғлиқни сақлаш масалалари қўмитаси раиси Одилжон Иминов иштирокида йиғилиш бўлиб ўтди. Унда Олий Мажлис Сенати ишчи гуруҳи томонидан вилоятда аҳоли орасида энг кўп тарқалган ва эрта ўлимга асосий сабаб бўлаётган касалликларни аниқлаш, мақсадли скрининг тадбирларини амалга ошириш бўйича ўрганиш ишлари олиб борилиши маълум қилинди. Ўз навбатида профилактик махсус тиббий жиҳозлар билан бепул таъминлаш ҳамда соғлом турмуш тарзини кенг тарғиб этиш ҳолати юзасидан олиб бориладиган таҳлилларни тизимли ташкил қилиш масалаларига ҳам алоҳида эътибор қаратилади.

Сенат ишчи гуруҳи, халқ депутатлари вилоят Кенгашининг доимий комиссияси аъзолари, вилоят соғлиқни сақлаш бошқармаси ҳамда тегишли тиббиёт муассасалари раҳбарлари иштирок этган, видеоконференсалоқа шаклидаги мулоқотда туман ва шаҳардан тегишли идоралар масъуллари қатнашди.

Фарғона вилояти бўйлаб 14-16 март кунлари ўтказиладиган ўрганиш натижалари Сенат қўмитасининг халқ депутатлари вилоят Кенгаши билан биргаликда бўладиган сайёр мажлисида муҳокама қилинади.

Ботир Мадиёров, «Халқ сўзи».