Навоий вилоятида йирик шамол электр станцияси барпо этилмоқда — Энергетика вазирлиги

21:20 10 Ноябрь 2022 Иқтисодиёт
1279 0

Фото: Иллюстратив фото

Бирлашган Араб Амирликларининг «Масдар» компанияси томонидан Навоий вилоятининг Томди туманида қуввати 500 МВт бўлган шамол электр станцияси қурилмоқда.

2024 йил якунига қадар ишга туширилиши режалаштирилган мазкур электр станция орқали йилига 1 млрд 800 млн кВт.соат электр энергия ишлаб чиқарилади. Бунинг натижасида йилига 540 млн куб метр табиий газ тежалишига эришилади ҳамда атмосферага 720 минг тонна зарарли газлар чиқишининг олди олинади.

Ушбу мега лойиҳанинг умумий қиймати 600 млн долларни ташкил этиб, юз фоиз хорижий инвестиция ҳисобига амалга оширилади.

Аҳамиятлиси, станция қурилиши давомида 800 нафаргача ва ишга тушгандан сўнг 30 нафар янги иш ўрни яратилади.

Эслатиб ўтамиз, ушбу йирик лойиҳа Президентимизнинг 2020 йил 22 декабрдаги қарори асосида амалга оширилмоқда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер