Намойишларда қатнашган фуқаролар ҳолати ва тергов қилиш жараёнлари қандай ўтмоқда?

10:28 29 Август 2022 Жамият
256 0

Комиссия фуқаролар томонидан келиб тушаётган кўплаб мурожаатлардан келиб чиққан ҳолда Қорақалпоғистонда рўй берган воқеаларда асосий гумонланаётган ва ҳозирда тергов жараёнида бўлиб турганлар билан якка тартибда суҳбат олиб бормоқда.

Бунда асосий эътибор юз берган ҳолатлар ва воқеаларда иштирок этиб, жиноят содир этганликда айбланиб, қамоққа олинганларнинг қилмишларидан пушаймон эканликлари, шунингдек уларни сақлаш шарт-шароитлари инсон ҳуқуқлари тамойиллари асосида ташкил этилаётганлиги ва мазкур ҳолатлар холис ўрганилишига қаратилмоқда.

Шунингдек, Комиссия аъзолари тергов ҳибсхонасида сақланаётган қарамоғида вояга етмаган фарзандлари бўлган, оилавий шароити ва ижтимоий ҳолати оғир бўлган шахслар билан учрашишга катта эътибор қаратмоқда.

Маълумки, мамлакатимизда олиб борилаётган инсонпарварлик, бағрикенглик сиёсати негизида инсон қадрини улуғлаш, кечиримли бўлиш, уларга енгиллик бериш каби ғоялар мужассам.

Шу нуқтаи назардан Комиссия аъзолари тергов ҳибсхонасида сақланаётган ҳамда суриштирув жараёнларида ўз қилмишидан чин дилдан пушаймон бўлган шахслар билан учрашишни, шунингдек, уларнинг яқин қариндошлари томонидан келтирилган важларни холис текширишни мақсад қилган ҳолда ўрганувларни олиб бормоқда.

Комиссия фуқаролардан келиб тушаётган мурожаатларни кўриб чиқиш ва тегишли тартибда ўз таклиф ва хулосаларни беришни режалаштирган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер