Наманганлик мерган спортчи I МДҲ ўйинларида ғолиб бўлди

15:48 08 Сентябр 2021 Спорт
497 0

Жорий йилнинг 4 сентябрида Россия Федерациясининг Татаристон Республикаси пойтахти Қозон шаҳрида старт олган биринчи МДҲ давлатлари ўйинлари ғолиблари аниқланмоқда. Тўққизта давлат вакиллари иштирок этаётган нуфузли мусобақанинг пневматик қуролдан ўқ отиш йўналишида мамлакатимиз терма жамоаси аъзоси Муҳаммад Камолов фахрли биринчи ўринни эгаллаб, олтин медални қўлга киритди.

Ўзбекистон Республикаси мудофаасига кўмаклашувчи «Ватанпарвар» ташкилоти Наманган вилоят кенгашининг ўқ отиш спорти секцияси аъзоси М. Камолов 2002 йилда туғилган бўлиб, олти йилдан буён ушбу спорт тури билан шуғулланиб келади. Устозлари — Муҳаббат Кондакова ҳамда Вадим Кондаковлардан маҳорат сабоқларини пухта ўзлаштирган йигит республика ва халқаро мусобақаларда бир неча бор ғолиб бўлган. У айни ютуқлари учун ўтган йили Наманган муҳандислик қурилиш институтига имтиёзли асосда ўқишга қабул қилинди.

Қудратилла НАЖМИДДИНОВ,
«Халқ сўзи».

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер