«My.dtm.uz»да ногиронлик бўйича имтиёз маълумотларини киритиш имконияти яратилди

14:21 28 Июнь 2022 Жамият
2019 0

Иллюстратив фото

Маълумки, олий таълим муассасаларининг бакалавриат таълим йўналишларига абитуриентларни рўйхатга олиш Давлат тест марказининг «my.dtm.uz» сайти орқали онлайн амалга оширилмоқда. Бу ҳақда ДТМ хабар бермоқда.

 Бунда ногиронлиги бўлган абитуриентларнинг ногиронлик бўйича маълумотлари Республика тиббий-ижтимоий экспертиза инспекциясининг базаси – «TMEK» дастуридан реал вақт режимида олинмоқда.

 Лекин айрим ногиронлиги бўлган абитуриентларнинг маълумотлари «TMEK» дастуридан реал вақт режимида келмаётгани сабабли «my.dtm.uz» сайтида ногиронлик бўйича имтиёз маълумотларини киритиш имконияти яратилди.

 Ногиронлик бўйича маълумотлар «Менинг имтиёзларим» бўлимида чиқмаган ҳолатларда «Ногиронлик тўғрисида маълумотнома» бўлимига кириб, ногиронлик маълумотлари киритилиши мумкин.

 Бунда, кўзи ожиз тоифасидаги ногиронлиги мавжуд абитуриентларга ногиронлик маълумотларини киритиш билан бирга «Кўзи ожиз» тугмасини белгилаш талаб этилади.

 Киритилган маълумотлар Республика тиббий-ижтимоий экспертиза инспекциясига юборилади ва маълумотлари тасдиқланган абитуриентларнинг имтиёзи инобатга олинади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?