Москвада қатъий карантин эълон қилинди

14:40 22 Октябр 2021 Дунё
908 0

Россияда 28 октябрдан 7 ноябргача дам олиш ҳам эълон қилинган. Коронавирус ҳолати, айниқса, пойтахт Москвада ёмонлашгани сабаб ишланмайдиган ҳафтада Москвада карантин чоралари кучайтирилади.

Шу кунлари фақат зарурий маҳсулотлар: озиқ-овқат, дори-дармон сотадиган дўконлар ишлайди. Овқатланиш шохобчалари етказиб бериш ва олиб кетиш хизматини кўрсатади.

Мактаб ва боғчалар ёпиқ бўлади. ОТМлар масофавий таълимга ўтади.

60 ёшдан ошган вакцина олмаган москваликлар учун 4 ойлик мажбурий изоляция талаби қўйилган. Уларнинг жамоат транспортидан бепул фойдаланиши ҳам чекланади.

Россияда вакцинация суст кечмоқда. 15 октябрь ҳолатига кўра, 144 миллион аҳолининг фақат 48 миллиони вакцинанинг тўлиқ дозасини олиб бўлган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?