Иллюстратив фото

АҚШнинг Нью-Йорк ва Жанубий Кореянинг Сидней университетлари олимлари кўпроқ мевалар истеъмоли мия ҳажмининг катталигига ҳисса қўшиши ҳақидаги тушунчанинг «миф» эканлигини исботлаб берди. Олимларнинг фикрича, мия ривожланиши учун бошқа омиллар ҳам муҳим ҳисобланади.

Бу Германиянинг Макс Планк номидаги илмий тадқиқотлар жамияти билан ҳамкорликда ўтказилган тадқиқотда маълум бўлди.

Олимлар ўрганишлар давомида 140 турдаги маймунларнинг мия ҳажмига таъсирни тушуниш учун уларнинг овқатланиш рационини ўрганиб чиқди. Бу жараёнда мева истеъмоли ва катта мия ўртасида боғлиқлик йўқлиги маълум бўлди. Ваҳоланки, айрим жониворлар жуда кўп мевалар, бошқалари асосан барглар ёки ҳашаротларни истеъмол қилган.

Доктор Жеймс Хайм фикрича, ижтимоий ва атроф-муҳит омиллари мия ҳажмига овқатланишдан кўра кўпроқ таъсир қилиши мумкин. Бунга ижтимоий ўзаро таъсирларнинг мураккаблиги ва яшаш жойлари билан боғлиқ муаммолар мисол сифатида кўрсатилди. Бу мия ривожланиши фақат истеъмол қилинаётган маҳсулотга боғлиқ эмаслигидан далолатдир.

Маълумот учун айтиб ўтамиз, мия ҳажмининг ақлий қобилият билан боғлиқлиги ҳали етарлича ўрганилган.