Қозон шаҳрида ўтказилаётган биринчи МДҲ ўйинларида Ўзбекистон делегациясининг қўлга киритган медаллари сони 80 тага етди. Ортда қолган кунда ёш спортчиларимиз 13 та медалга сазовор бўлишди. Бу ҳақда МОҚ хабар берди.

Медалларимиз ўқ отиш спорти ва дзюдога тўғри келади. Ёш мерган қизимиз Дилафрўз Қобилжонова ўз тоифасида кумуш медалга сазовор бўлган бўлса, дзюдочиларимиз 4 та олтин, 2 та кумуш ва 6 та бронза медалларини жамоамиз ҳисобига келтиришди. Батафсил:

Олтин медаль:
-48 кг: Ҳалимажон Қурбонова
-57 кг: Шукуржон Аминова
-100 кг: Музаффарбек Тўрабоев
+100 кг: Шоҳруҳ Бахтиёров

Кумуш медаль:
-63 кг: Фарангиз Ҳожиева
-81 кг: Нурбек Муртазоев

Бронза медаль:
-66 кг: Дилшодбек Йўлдошев
-100 кг: Суҳроб Ражабов
-63 кг: Фарангиз Режепова
-70 кг: Фарангиз Холмуродова
-78 кг: Ирисхон Қурбонова
+78 кг: Фотима Қурамбоева

Бугунги медаллар билан ҳисоблаганда делегациямиз 21 та олтин, 29 та кумуш ва 30 та бронза, жами 80 та медалга эгалик қилмоқда.