Курсантлар Ёшлар иттифоқига аъзо бўлдилар

17:42 09 Ноябрь 2020 Жамият
156 0

Бугун Қуролли Кучлар Академиясида «Юксак маънавиятли, замонавий билим ва касб-ҳунарларга, ўз мустақил фикрига эга бўлган ёшларни миллий ва умуминсоний қадриятлар руҳида тарбиялаш биз учун энг муҳим масалалардан биридир» мавзусида маънавий-маърифий тадбир ўтказилди. У «Ёшлар куни» доирасида яқинда Ватанга қасамёд қилган 1-босқич курсантларининг Ўзбекистон Ёшлар иттифоқига аъзо бўлишлари муносабати билан ташкил этилди.

Тадбирда Ўзбекистон ёшлар иттифоқи Мирзо Улуғбек туман Кенгаши раиси Нодирбек Шукуров курсантларга Ўзбекистон ёшлар иттифоқининг мақсад ҳамда вазифалари, ёшларга берилаётган имтиёзлар, Иттифоқнинг бугунги кунда олиб бораётган фаолияти ва истиқболдаги режалар юзасидан батафсил маълумот бериб ўтди.

Тадбир давомида Ёшлар иттифоқига аъзо бўлганликлари муносабати билан 1-босқич курсантларига аъзолик гувоҳномаси ва Ўзбекистон ёшлар иттифоқи кўкрак нишонлари Академия бошлиғининг тарбиявий ва мафкуравий ишлар бўйича ўринбосари полковник Даврон Усманов ва Ёшлар иттифоқи Мирзо Улуғбек тумани Кенгаши раиси Нодирбек Шукуровлар томонидан тантанали равишда топширилди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?