Иллюстратив фото

Айни дамда мавжуд коронавирусга қарши вакциналарнинг асосий камчилиги уларнинг икки босқичда инсон организмига юборилиш заруратидир.

Бу ҳақда Жорж Мейсон университетининг Тизимлар биологияси мактаби профессори Анча Баранова маълум қилди.

Мутахассиснинг сўзларига кўра, мавжуд препаратларнинг аксарияти беморга икки босқичда юборилган тақдирдагина самарали ишлайди. Аммо биринчи ҳамда иккинчи эмланиш жараёни учун анча вақт керак бўлади.

«Айнан шу жиҳат айни пайтда мавжуд вакциналарнинг заиф томонидир. Зеро, одамларнинг биринчи вакцинани олишлари, аммо иккинчи инъекция учун келишни унутиши ёки баъзи эмлашга қарши инсонларнинг пайдо бўлиши ҳамда препаратни олиш учун келмаслиги каби улкан хавф мавжуд», дейди Баранова.

Мутахассиснинг таъкидлашича, агар бемор эмлашнинг иккинчи босқичини ўтказиб юборса, вакцинанинг самарадорлиги «деярли йўқ»қа чиқади.

Мутахассиснинг қўшимча қилишича, ҳозирги вақтда Хитой лабораторияларидан бири бир марта қўлланиладиган вакцинани ишлаб чиқмоқда. Аммо унинг самарадорлиги тўғрисида айни пайтда ҳеч нарса маълум эмас.