Коллежга киритиб қўйиш эвазига 400 АҚШ доллари олаётган иштихонлик шахс ушланди

12:16 06 Ноябрь 2020 Жамият
317 0

Самарқанд вилояти ИИБ ахборот хизматининг хабарига кўра, жорий йилнинг 3 ноябрь куни Самарқанд вилояти ИИБ хавфсиз туризмни таъминлаш бошқармаси ҳамда вилоят ИИБ ЖҚБ иқтисодий жиноятларга қарши курашиш бўлими ходимлари томонидан тезкор тадбир ўтказилди.

Иштихон тумани Азамат МФЙда яшовчи, 1966 йилда туғилган Ҳ. Самарқанд тумани Ўзбек кенти маҳалласида яшовчи С. исмли фуқаронинг жиянини “Автомобиль йўллари коллежи”га ўқишга киритиб қўйишни ваъда қилиб, ундан 400 АҚШ доллари миқдордаги пулларини олаётган вақтида ушланиб, тегишли тартибда ҳужжатлаштирилиб олинган.

Ҳозирда мазкур ҳолат юзасидан Самарқанд шаҳри бўйича ИИО ФМБ ҳузуридаги тергов бўлими томонидан Жиноят кодексининг 168-моддаси 1-қисми билан жиноят иши қўзғатилиб, тергов ҳаракатлари олиб борилмоқда.

Абдулазиз Йўлдошев
(Халқ сўзи)

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?