Хўжаободда 600 та хонадон тоза ичимлик суви билан таъминланди

10:52 06 Ноябрь 2020 Жамият
185 0

«Андижон сув таъминоти» МЧЖ томонидан ҳудудларни тоза ичимлик суви билан таъминлаш борасидаги ишлар кўлами тобора ортиб бормоқда. Жумладан, Хўжаобод туманидаги Бешқовoқ, Бахрин, Фақирқишлоқ, Янги Ҳаёт, Карнайчи, Нишоб бўйи МФЙларида 8 км. масофага янги сув қувури тортилиб, 3 та янги сув насоси ўрнатилди. Шунингдек, битта янги қудуқ ковланиб, 30 км. дан зиёд қувурлар тозаланди.

— Олиб борилган ишлар натижасида Хўжаобод тумани ҳудудларини ичимлик суви билан таъминлаш кўрсаткичи 87 фоизга етди, — дейди «Андижон сув таъминоти» МЧЖ туман бўлими бошлиғи БахтиёржонКомилов. — Қиш мавсумида аҳолига ичимлик сувини узлуксиз етказиб бериш, носозликларни ўз вақтида бартараф этиш борасидаги ишчи гуруҳимиз куну тун хизмат қилмоқда.

Айтиш жоиз, туманда сўнгги кунларнинг ўзида 600 та хонадонни ичимлик суви билан таъминлашга эришилди.

Саминжон ҲУСАНОВ,

«Халқ сўзи»

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?