Фото: ССВ

Соғлиқни сақлаш вазирлиги хотин-қизлар бошланғич ташкилотининг йиғилиши ўтказилди. Унда вазирлик масъуллари, тизимда фаолият олиб бораётган аёл ходимлар иштирок этди.

Дастлаб тадбирда вазир ўринбосари Э. Баситханова сўзга чиқиб, йиғилганларга Вазирлар Маҳкамасининг 2022 йил 14 октябрдаги “Давлат фуқаролик хизматчилари томонидан одоб-ахлоқ қоидаларига риоя этилишини таъминлаш бўйича қўшимча чора-тадбирлар тўғрисида”ги қарорининг мазмун-моҳияти ҳақида маълумот берди.

Жумладан, тизимда иш юритаётган ҳар бир ходим, айниқса, хотин-қизлар адолатлилик, ҳалоллик, холислик тамойилларига қатъий риоя қилиши, уларнинг одоб-ахлоқи, муомала ва кийиниш маданияти фаолиятининг асосий кўрсаткичларидан эканлиги алоҳида таъкидланди.

Шундан сўнг хотин-қизлар бошланғич ташкилоти раиси Г. Юсупалиева ташкилотнинг келажакдаги режалари, вазифалари ҳамда белгиланган тадбирлар моҳиятига батафсил тўхталиб ўтди.

Йиғилишда, шунингдек вазирлик тизимида фаолият юритаётган хотин-қизлар саломатлигига бўлган эътиборни янада кучайтириш, одоб-ахлоқ қоидаларига риоя қилиш юзасидан фикр-мулоҳазалар билдирилиб, ушбу масалалар ташкилот аъзолари томонидан қизғин муҳокама қилинди.