Архив фото

Испания бош вазири Педро Санчес мамлакатда фоҳишаликни йўқ қилмоқчи ва буни қонун орқали амалга оширишга ваъда берди.

Бош вазир ўзи етакчиси бўлган “Социалистик партия”нинг митингида сўзга чиқиб, тез орада мамлакатда фоҳишаликни бекор қилувчи қонун лойиҳасини ишлаб чиқишга ваъда берди.

Шунингдек, Испания расмийларига кўра, қиролликда 45 мингга яқин аёл жинсий эксплуатацияга учрагани қайд этилган. Бироқ, мамлакатда фоҳишаликнинг ўзи ноқонуний эмас, фақат у билан боғлиқ айрим фаолият турлари тақиқланган.

Аввалроқ, Мадрид марказида минглаб одамлар намойишга чиқиб, Испаниянинг амалдаги бош вазири Педро Санчеснинг истеъфосини талаб қилган эди. Митингни ташкил қилишда юзга яқин жамоат ва сиёсий ташкилотлар иштирок этиб, Санчес бош вазир бўлганидан бери Испания қийналаётгани, сиёсий, институционал ва ижтимоий таназзулни бошдан кечираётгани таъкидланди.