Илон Маск тарихдаги энг бой одамга айланди — "Forbes"

01:35 27 Октябр 2021 Дунё
1339 0

Фото: Reuters

"Tesla"ning "Hertz Global Holdings Inc“ билан электромобилларни сотиб олиш бўйича келишуви фонида компания асосчиси Илон Маск тарихдаги энг бой одамга айланди. Бу ҳақда ”Forbes" нашри хабар бермоқда.

Душанба куни молия бозорларидаги савдолар якунида нашр тадбиркорнинг капиталини 271,3 миллиард долларга баҳолаган, бу ўтган жума, 22 октябрдагидан 41,7 миллиард долларга кўпдир.

Журналга кўра, Маск аввал ҳеч ким забт этмаган «ҳудуд» — 300 миллиард долларлик чегарага яқинлашмоқда.

Масалан, "Forbes“ рейтингида энг бой одам бўлган аввалги тадбиркор — ”Amazon" асосчиси Жефф Безоснинг энг кўп бойлиги 201 миллиард долларни ташкил этган.

Аввалроқ Илон Маск томонидан асос солинган "Tesla«нинг бозор қиймати Нью-Йорк фонд биржасидаги савдоларда 1 триллион доллардан ошган эди.

Душанба куни "Hertz Global Holdings Inc“ ”Tesla" билан 100 мингта электромобиль сотиб олиш борасида шартнома имзолаган. Шундан сўнг Илон Маскнинг компанияси акциялари баҳоси 9 фоизга қимматлашган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?