Фото: Халқ сўзи

Фарғона вилояти Учкўприк туманига қарашли “Учкўприк” маҳалла фуқаролар йиғинида иш бошлаган ҳоким ёрдамчиси Дилшод Далиев ҳудуддаги Шодлик мавзеси аҳолисини бир неча йилдан буён қийнаб келаётган муаммо бўйича вилоят раҳбари Хайрулло Бозоровга мурожаат қилди.

Гап шандаки, бу ҳудуддаги икки қаватли уйда яшовчи оилалар уйнинг ертўла қисмида сув тўпланиб қолишидан кўп йиллар давомида азият чекиб келаётган эди. Боиси ушбу кўп қаватли уйларнинг ёнидан оқиб ўтувчи анҳор бир неча йиллардан буён тозаланмаган, махсус техникалар ёрдамида тозалаш учун эса унинг атрофига ноқонуний уйлар қуриб олингани тўсқинлик қилаётганди.

Вилоят ҳокими ноқонуний қурилган уйларни бузиш, хонадон эгалари розилиги билан дарахтларни кесиш, анҳорни ковлаб захни кетказиш бўйича соҳа масъулларига топшириқ берди. Шунингдек, маънан эскирган уйлар ўрнида 5-7 қаватли кўп қаватли уйлар қуриш, хонадон эгаларини рози қилган ҳолда тез фурсатда қурилиш ишларига киришиш бўйича келишиб олинди.

Ботир Мадиёров, “Халқ сўзи”.