Ҳоким ёрдамчиларининг кредит ажратиш бўйича тавсиясига энди ҳоким аралаша олмайди

01:54 24 Апрель 2023 Сиёсат
946 0

“Оилавий тадбиркорликни ривожлантириш дастурлари доирасида кредитлар ажратишни такомиллаштириш ҳамда аҳолининг доимий даромад манбаларини кўпайтиришга доир қўшимча чора-тадбирлар тўғрисида»ги Ҳукумат қарори (161-сон, 19.04.2023 й.) қабул қилинди.

Унга кўра:

— оилавий тадбиркорликни ривожлантириш мақсадида аҳоли ва тадбиркорларнинг лойиҳаларини молиялаштириш учун 13 триллион сўм ажратилади;

— оилавий дастурлар бўйича кредитларни йиллик 14 фоиз ставкада ажратиш тартиби сақлаб қолинади;

— Ҳоким ёрдамчилари ташаббуси билан баъзи тадбиркорларга 50 миллион сўмгача кредитлар гаровсиз берилади;

— кредитлар биринчи навбатда дастурга мувофиқ аввал кредитлардан фойдаланмаган аҳоли ва тадбиркорларга ажратилади;

— қолаверса, дастурлар доирасида аввал кредит олиб, ундан самарали фойдаланиб, тадбиркорлигини йўлга қўйган ва кредит тўловларини ўз вақтида тўлаган кичик тадбиркорларга фаолиятини янада кенгайтириши ушбу кредитлардан такроран фойдаланишга рухсат берилади;

— ҳокимлар деҳқонларга ердан унумли фойдаланишга ва “бир маҳалла – бир маҳсулот” тамойили асосида маҳсулотлар етиштиришга ва уларни ўз бозорини топишга кўмаклашади;

— “маркетплейс” тизими “Е-актив” ахборот тизими билан интеграция қилинади;

— ушбу маҳсулотларнинг нархлари кўрсатилаётган хизматлар ва бошқа омиллар ҳисобига ички бозор нархларига қараганда асоссиз ошиб кетмаслигини Рақобатни ривожлантириш ва истеъмолчилар ҳуқуқларини ҳимоя қилиш қўмитаси ўз назоратига олади;

— ва энг асосийси, эндиликда ҳоким ёрдамчиларининг кредит ажратиш бўйича тавсия беришига маҳаллий ижро этувчи ҳокимият органлари раҳбарларининг аралашувига йўл қўйилмайди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?