Ҳасан ПАЙДОЕВ - "Ҳалқ сўзи"

Айниқса, бемор фарзандининг соғайиб кетиши учун кунни тунга, тунни кунга улаётган ота-оналар ҳолидан хабар олиниши улар қалбига катта умид ҳамда ишонч бағишлаши, шубҳасиз. Бунинг нақадар улкан савоб эканлигини изоҳлашга эса хожат йўқ.

Хабарингиз бор, Президентимиз Шавкат Мирзиёев муборак Рамазон ҳайити байрами кунларида пойтахтимиздаги бир қатор шифо масканларида бўлиб, у ерда даволанаётган бемор болалар, уларнинг ота-оналари билан учрашиб, ҳолидан хабар олди.

Чунончи, давлатимиз раҳбари Республика ихтисослаштирилган гематология илмий-амалий тиббиёт марказига ташриф буюриб, оналар ва болаларни қутлуғ айём билан табриклади.  Улар билан самимий суҳбатлашди. 

Мухбиримиз ушбу муассасадаги бемор болалар ва уларнинг ота-оналари билан кўришиб, уларнинг кайфияти ҳамда таассуротлари билан қизиқди. Қуйида эълон қилинадиган фоторепортаж ана шу жараёнлардан сўзлаб беради.