Иллюстратив фото

Германиянинг «Wintershall Dea» нефть ва газ компанияси Россиядаги лойиҳалардан бутунлай воз кечмоқда.

Европанинг энг йирик хусусий немис нефть ва газ компанияси «Wintershall Dea» Россиядаги лойиҳалардан бутунлай воз кечишини эълон қилди. Бу ҳақда холдинг сайтидаги хабарда айтилади.

«Wintershall Dea» кузатув кенгаши кенгашнинг Россиядан чиқиш ҳақидаги қарорини маъқуллади», дейилади матнда.

Хабарда айтилишича, Россияда фаолиятни давом эттириш мақсадга мувофиқ эмас. Компания раҳбари Марио Мерен Россия Федерациясида қабул қилинган чекловлар туфайли ушбу мамлакатни «қўшма корхоналарни иқтисодий экспроприация қилишда» айблади.

Компаниянинг «Nord Stream AG» ва «WIGA Transport Beteiligungs-GmbH & Co. KG» акцияларини сотишдан кўрган зарари жами 5,3 миллиард еврони ташкил қилади.

Ўтган йилнинг 22 декабрь куни Владимир Путин «Газпром»га 2023 йилнинг 1 октябрига қадар Австриянинг «OMV» ва Германиянинг «Wintershall Dea» компанияларидан қўшма корхонадан газ ва хизматлар сотиб олишни тақиқловчи фармонни имзолаган эди. Бу ерда гап табиий газ, газ конденсати етказиб бериш ва уларни Южно-Русское ва Аcимов конларида ишлаб чиқариш билан боғлиқ хизматлар учун ҳақ тўлаш ҳақида бормоқда.