Иллюстратив фото

«Globe Soccer Awards» Серхио Рамосни футбол тарихидаги энг яхши ҳимоячи деб топди.

Испания терма жамоаси ва Франциянинг «ПСЖ» клуби ҳимоячиси Серхио Рамос «Globe Soccer Awards» томонидан футбол тарихидаги энг яхши ҳимоячи деб топилди. 

Рамосдан ташқари яна 3 нафар футболчи ҳам мукофотланган. Хусусан, «Милан» ҳужумчиси Златан Ибраҳимович, «Манчестер Юнайтед»нинг собиқ ҳужумчиси, 2021 йилда фаолиятини якунлаган Уэйн Руни ва ҳозирда Бразилиянинг «Форталеза» жамоасида ўйнаётган собиқ «Васко да Гама» ҳужумчиси Ромарио тақдирланган.

36 ёшли Рамос Испаниянинг «Севиля» ва «Реал» жамоалари шарафини ҳимоя қилган. У беш марта Испания чемпиони бўлган. Тўрт марта Чемпионлар лигасида бош совринни қўлга киритган. Олдинроқ, у «France Football» журнали талқинига кўра тарихдаги энг яхши ҳимоячи сифатида тан олинган эди. Европа футбол ассоциациялари иттифоқи (УЕФА) эса Рамосни 2017/2018 йилги мавсумда ушбу позициядаги энг яхши футболчи деб топган эди.

2021 йил 27 декабрь куни «Globe Soccer Awards» маросимида португалиялик Криштиану Роналду барча даврларнинг энг яхши тўпурари сифатида тан олинган эди.