Ўзбекистон Республикаси Олий суди раисининг биринчи ўринбосари Робахон Маҳмудова, Ички ишлар академияси, Тошкент давлат юридик университети профессор ўқитувчилари ҳамкорлигида Янги Ўзбекистонда сайловларни умумэътироф этилган халқаро меъёрлар асосида ўтказиш борасида амалга оширилаётган ишларга бағишланган семинар-тренинг ўтказилди.

Унда Фарғона вилоят суди, Фарғона вилоят маъмурий суди, туманлараро, туман (шаҳар) судлари судьялари қатнашди.

Семинарда жорий йилда бўладиган Ўзбекистон Республикаси Президенти сайловига пухта тайёргарлик кўриш ва уни умумэътироф этилган халқаро тамойиллар асосида ўтказиш мақсадида сайлов жараёни иштирокчиларининг ҳуқуқий билимини мустаҳкамлашга эътибор қаратилди.

Йиғилишда судьялар томонидан тушунтириш-тарғибот ишларини олиб бориш бўйича вилоят суди раиси Шуҳрат Камолов томонидан тасдиқланган режа ўқиб эшиттирилиб, ижро учун қабул қилинди.

Ботир Мадиёров,
«Халқ сўзи»