Фарғонада ОТМ талабалари учун кечки соатларда жамоат транспорти қатнови йўлга қўйилади

12:46 23 Ноябрь 2022 Жамият
244 0

Фото: Иллюстратив cурат

Айни пайтда Фарғона вилояти марказида жойлашган 5 та олий таълим муассасасида 50 минг нафарга яқин талаба таҳсил олмоқда. Улар учун қулай яшаш шароити яратиш, жамоат транспортидан фойдаланиши каби масалалар долзарб ҳисобланмоқда. Чунки бугун олий таълим муассасаларида ўқув бинолари, талабалар турар жойлари етишмаслиги бор гап. Айниқса, ўқув жараёнлари бир неча навбатда ташкил этилиши сабабли Фарғона шаҳрининг турли даҳалари ҳамда қўшни ҳудудлардан қатнаб ўқувчи талабалар кеч соатларда жамоат транспортидан фойдаланиш борасида турли қийинчиликлар билан юзма-юз келмоқда.

Бу масала Фарғона вилояти ҳокимлиги томонидан назоратга олиниб, вилоят ҳокимининг ўринбосари Файзулло Қосимов бошчилигида олий таълим муассасалари раҳбарлари ҳамда транспорт соҳаси масъуллари иштирокида видеоалоқа шаклида йиғилиш ўтказилди.

Унда барча ОТМлар раҳбарларига кечки соатларда уйга қайтадиган талабаларнинг бориш йўналишлари бўйича тезкор ҳисоб-китоб қилиб, умумлашган маълумотларни вилоят ҳокимлигига тақдим этиш вазифаси топширилди. Шу тариқа ҳар бир олий таълим муассасасидан талабалар учун кеч соатларда қайси йўналишда нечта автобус қатнови қўйилиши белгиланадиган бўлди. Бунинг учун Фарғона вилояти транспорт бошқармаси томонидан транспорт хизмати кўрсатувчи тадбиркорлик субъектлари билан ҳамкорликда амалга ошириши лозим бўлган вазифалар кўрсатиб ўтилди.

Ботир Мадиёров, «Халқ сўзи».

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер