Фарғонада Италия элчихонаси ходимлари нимадан ҳайратланишди?

14:31 17 Октябр 2022 Жамият
539 0

Фото: Халқ сўзи

Италиянинг мамлакатимиздаги элчихонаси ҳарбий аттешеси Стефано Порчедда ҳамда элчихона ходими Мауро Франселли ўтган ҳафта Фарғона вилоятининг бир қатор шаҳар ва туманларида бўлди.

Эелчихона вакиллари учун, айниқса, Риштон туманига қилинган ташриф унутилмас таассуротлар улашганини улар мамнуният билан таъкидладилар. Бу ерда улар дастлаб уста кулол, тадбиркор Равшан Тожиддинов раҳбарлик қилаётган «Р+Корон» корхонасига қарашли кулолчилик музейида бўлишди. Меҳмонларга Риштон кулолчилиги тарихи, бугунги кунда эришилаётган ютуқлар, туманнинг туризм салоҳияти, маданияти хусусида маълумот берилди.

— Бугун мен ўзимни эртаклар оламига тушиб қолгандек ҳис этдим. Риштон кулолчилик маҳсулотлари чиндан ҳам ҳайратланарли. Бу ердан кетгим кетмай қолди, — дейди Стефано Порчедда. — Бу санъат асарларининг барчаси қўл меҳнати орқали яратилаётгани ҳайратимни янада оширди.

Риштон туманига амалга оширилган ташриф режасига кўра, элчихона вакиллари «Халқаро кулолчилик маркази» фаолияти билан ҳам яқиндан танишдилар.

Ботир Мадиёров, «Халқ сўзи».

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер