Фарғона жамоат саломатлиги тиббиёт институти дунёнинг нуфузли THE (The Times Higher Education) агентлиги томонидан TOP-1000 та олий таълим муассасалари қаторида эътироф этилди.

Ушбу рейтингда дунёнинг 112 давлатидан 2 мингга яқин университетлар қамраб олинди. Фарғона жамоат саломатлиги тиббиёт институти жами 53,8 балл тўплаб, 1000-ўринни қайд этди.

Институт бир вақтнинг ўзида “Impact ranking” рейтингининг 2 та йўналишида TOP-500 олий таълим муассасалари қаторида эътироф этилди. Ушбу “Қашшоқликни йўқотиш” (49.4 балл) ҳамда “Саломатлик ва фаровонлик” (63.8 балл) йўналишлари рейтингнинг муҳим қисмини ташкил этади.

Рейтингнинг “Гендер тенглиги” йўналишида институт 34,3 балл билан 800-ўринни эгаллаган бўлса, “Сифатли таълим” йўналишида эса жами 35,7 балл билан TOP-1000 та олий таълим муассасалари қаторидан ўрин олди.

Эслатиб ўтамиз, Фарғона жамоат саломатлиги тиббиёт институти ўтган йили “Greenmetrics” рейтингида ҳам 642-ўринни эгаллаб, дунёдаги мингта энг илғор олий таълим муассасаларидан бири сифатида эътироф этилган.