2022 йил 21-25 ноябрь кунлари Душанбе шаҳрида (Тожикистон) бўлиб ўтаётган Евроосиё гуруҳининг(ЕОГ) 37-ялпи мажлиси доирасида, 25 ноябрь куни Ўзбекистон Республикаси делегацияси Тожикистон Республикаси Давлат молиявий назорати ва коррупцияга қарши курашиш агентлиги (Агентлик) раҳбарияти билан ташкил этилган икки томонлама учрашув давомида ўзаро ҳамкорликни янада кенгайтириш масалалари муҳокама этилди.

Учрашув якунида иқтисодий жиноятлар ва коррупцияга қарши курашиш соҳасида ҳамкорликни амалга ошириш бўйича 2023-2024 йиллар учун мўлжалланган қўшма Тадбирлар режаси имзоланди.

Ўзбекистон Республикаси делегациясининг ЕОГ ялпи мажлиси ва бошқа ихтисослашган халқаро ташкилотлар фаолиятидаги иштироки иқтисодий жиноятларга қарши курашиш соҳасида халқаро ҳамкорликни янада кенгайтириш ва хорижий давлатларнинг ваколатли органлари билан тажриба алмашишга хизмат қилмоқда.