EPS-Topik тест имтиҳонида телефондан фойдаланишга уриниш ҳолатлари аниқланди

12:00 23 Июнь 2022 Жамият
270 0

Корея Республикасида вақтинчалик ишлаш истагида бўлган фуқаролар учун Тошкент шаҳрида бўлиб ўтаётган EPS-Topik тест имтиҳонларида бошқа фуқаро ўрнига тестга кириш ва тестда қўшимча воситалардан фойдаланишга уриниш ҳолатлари қайд этилаётгани ҳамда бунинг оқибатлари ҳақида хабар берилган эди.

Шунга қарамай, 20 июнь куни рўйхатдан ўтган 4 нафар фуқаронинг, бугун, 22 июнь куни 1 нафар фуқаронинг телефон ва махсус воситалардан фойдаланишга уриниш билан боғлиқ ҳаракатлари аниқланди. Ушбу ҳолатлар баёнлаштирилиб, тегишли ташкилотларга тақдим этилди.

"Шу муносабат билан, тест имтиҳони қоидаларини бузган фуқаро 3 йил давомида ушбу имтиҳонда қатнашиш имкониятидан маҳрум бўлиши ҳамда қонунчиликда белгиланган жавобгарликка тортилиши мумкинлиги ҳақида яна бир бор огоҳлантирамиз.

Имтиҳон жараёнида барча тартиб-қоидаларга риоя қилишга чақирамиз" дейилади Ташқи меҳнат миграцияси агентлиги расмий ахборотида.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер