Фото: Иллюстратив фото

Марям Қулматова йўлланма асосида Республика ихтисослаштирилган травматология ва ортопедия илмий-амалий тиббиёт марказига қўлтиқ таёқда келган эди. Унга юқори-технологик жарроҳлик амалиёти ўтказилди. Бунга талаб этилган маблағ эса давлат бюджети ҳисобидан Давлат тиббий суғуртаси жамғармаси томонидан қоплаб берилди. Ҳозирда Марям опанинг аҳволи яхши.

Имтиёзли тоифадаги беморларнинг даволаниши учун 600 млрд сўмдан зиёд маблағ тўлаб берилди. Биринчидан, шаффоф тизим йўлга қўйилди, иккинчидан беморлар хоҳишига кўра, давлат ёки хусусий тиббиёт муассасаларда даволаниш имконияти яратилди. – деди ДТСЖ бошқарма бошлиғи Бахтиёр Одилов.

Туман тиббиёт бирлашмаларида тиббий комиссиялар ташкил этилган. Оилавий шифокор имтиёзли тоифадаги беморларнинг дастлабки ҳужжатларини электрон тизимга юклайди. Туман босқичидан ўтгандан кейин, ҳужжатлар вилоят босқичида кўриб чиқилади. Сўнгра комиссия беморни вилоятнинг ўзида ёки республика тиббиёт марказида даволаниш учун йўналтиради – деди ДТСЖ бошқарма бошлиғи Шуҳрат Алмарданов.