Иллюстратив фото

Шу мақсадда вазирлик ва идоралар вакиллари учун онлайн семинар ташкил этилди.

Давлат хизматини ривожлантириш агентлиги Ёшлар ишлари агентлиги билан ҳамкорликда ташкил этилган онлайн семинарда 200 нафардан ортиқ давлат хизматчилари иштирок этди.

Семинарда давлат хизмати ва олий таълим ўртасида интеграцияни йўлга қўйиш, энг салоҳиятли битирувчиларнинг давлат органларида стажировкасини ташкил этиш, истиқболли кадрларни тайёрлашни тизимли йўлга қўйиш орқали ёшларни давлат хизматига жалб қилиш самарадорлигини ошириш масалалари юзасидан тегишли тавсиялар берилди.

Иштирокчилар ўзларини қизиқтирган саволларга жавоб олишди.

Давлатимиз раҳбари раислигида 4 август куни ўтказилган видеоселектор йиғилишида давлат органларида стажировка ўтаган қобилиятли битирувчи ёшларни давлат хизматига танлов асосида қабул қилишга қаратилган “Ёш мутахассисларни танлаш дастури”ни эълон қилиш вазифаси белгиланган эди.