Архив сурат

Черногорияда НАТОнинг Ғарбий Болқондаги энг йирик "Defender Europe 2023" маневрлари билан боғлиқ бўлган "Immediate Response 23" ҳарбий машғулотлари бошланди. Бу ҳақда мамлакат Мудофаа вазирлиги маълум қилди.

Машқлар мамлакат шимолидаги Плевля шаҳридаги "Владимир Кнежевич Володжа" казармаларида очилди.

"Черногория Қуролли Кучлари НАТО иттифоқчилари билан фуқароларимиз хавфсизлигини кафолатлаш ва альянснинг мудофаа қобилиятига ҳисса қўшиш учун кенг қамровли ҳаракатларни тайёрлашда давом этмоқда", дейди Черногория Қуролли Кучлари Бош штаби бошлиғи, бригада генерали Зоран Лазаревич очилиш маросимида.

Машқлар Коласин, Заблжак ва Плевля муниципалитетларида бўлиб ўтади. Машғулотлар давомида Черногория, АҚШ ва Хорватия ҳарбий хизматчилари қуруқликдаги операциялар машқлари, шу жумладан, мураккаб тоғли уруш элементлари орқали ўзаро ҳамкорликни кучайтирадилар.

Аввалроқ, Эстонияда "Swift Response" машғулотлари бошланган эди. Унда қатнашиш учун НАТО давлатларидан десантчилар келган эди. АҚШ бошчилигидаги маневрлар доирасида ўзини-ўзи мудофаа кучлари ва иттифоқчилари Болтиқбўйи республикасига куч ва техникани трансфер қилишни машқ қилдилар.