Бу менинг танловим – бу менинг Конституциям

19:43 28 Март 2023 Жамият
639 0

Фото: Халқ сўзи

Айни кунларда Фарғона вилояти бўйлаб «Бу менинг танловим – бу менинг Конституциям» шиори остида тарғибот тадбирлари бўлиб ўтмоқда. Конституциявий қонун лойиҳаси мазмун-моҳиятини тушунтиришга қаратилган ана шундай учрашувлардан бири «Иссиқлик электр станциялари» АЖ Фарғона иссиқлик электр марказида ҳам ташкил этилди.

Юзма-юз мулоқотда Ўзбекистон Республикаси Олий Мажлиси Сенати аъзоси Манзура Салимова иштирок этиб, Конституциявий қонун лойиҳасига киритилган янгилик ва ўзгаришлар хусусида батафсил маълумот берди.

— Конституциявий қонун лойиҳаси ўз моҳиятига кўра, «Инсон – жамият – давлат», «Янги Ўзбекистон – ижтимоий давлат» тамойилларига асосланаётгани эътиборга лойиқ, — дейди сенатор М. Салимова. — Бу халқпарвар давлат барпо этиш, инсон ҳуқуқлари ва ижтимоий муҳофазасини кучайтириш, юртимизда ҳар бир оила манфаатини тўлиқ таъминлашга қаратилгани билан аҳамиятлидир.

Учрашув Конституциявий қонун лойиҳасида кўзда тутилаётган янгилик ва ўзгаришлар хусусида қизиқарли савол-жавоб тарзида олиб борилди.

Ботир Мадиёров, «Халқ сўзи».

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?